فن مخاطبة الاطفال

فن مخاطبة الاطفال موضوع يحتاج بالفعل لمؤتمر وجلسات عمل لأن العيال الأيام دي
محتاجة طريقة حوار وتعامل غير زمان.
العيال الأيام دى وصلوا والعالم مفتوح على بعضه مش زي زمان علي القناة الأولى والتانية بالتيلة.
خلاص مينفعش تقول للعيل دلوقتي
العصفورة قالت لي وفتنت لي عليك. عصفورة إيه وهو بيفهم في الموبايل بتاعك أحسن منك ؟
ومينفعش تخوف العيل بأبو رجل مسلوخة
لأنه هايدخل على جوجل و يعمل سيرش عن
معنى أبو رجل مسلوخة وهيلاقي الموقع
بيقول له: هجايص وأساطير عملوها الكبار
ف القرن اللي فات عشان يخوفوا بيها العيال.
مينفعش تعاقبه بأنك تأومه من أودام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت ف الشغل ويخليك زي قرطاس الجوافة
عايز تعاقبه نزل له فيروس على الجهاز بتاعه ودمر له الوندوز وقول له الجهاز مش هايتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.
لما تعوز تدلعه وتكافؤه على تفوقه مينفعش تجيب له بندقية صيد وكوره وكتب م المكتبة الخضراء والجو القديم ده كله
تجيب له( دي اس ال،ممكن تظبطه بويب كام جامده ، تدخل علية (بسكرين ) كده يعني.

مينفعش لو أبنك سألك عن حاجه منتش عارفها تألف له أى أجابة من دماغك بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك وحش قوى
لما يسألك أقعد معاه ع النت ودور معاه
ع الأجابة المظبوطة و بلاش قلة قيمة
وأوعى تفهم الواد إن الرياضة هى أهلي وزمالك لأنه دلوقتى عارف لاعيبه ريال
مدريدوالأرسنال وعارف أسعارهم كمان .
وأذا طلب رأيك ف أكلة دليفرى م اللى بياكلوها الأيام دي أوعى تقول له: يعنى أيه دى
لأ خليك أب روش هز دماغك بألاطه وقول له.. حلوة واظهر سعادتك بابتسامه